တန်ဖိုး​ထား​ပါ

အပျိုစင်​မ​ဂ​ဇင်း​ထဲ​က ဘာသာ​ပြန်​ကဗျာ​လေး​တစ်​ပုဒ်​ပါ... ခဏခဏ အမှတ်ရ​ပြီး
ကိုယ့်​ကို​ကိုယ်​ဆုံးမ​ဖြစ်​တဲ့ ကဗျာ​လေး​ဖြစ်​သ​လို ချစ်ခင်​ရ​တန်ဖိုး​ထား​ရ​တဲ့
သူငယ်ချင်း​တွေ ခင်မင်​သူ​တွေ​က သည်း​မ​ခံ​နိုင်​စရာ
အဖြစ်အပျက်​လေး​တွေ​လုပ်​လာ​တဲ့​အခါ အရောင်​ပြယ်​လာ​တဲ့ ခင်မင်​မှု​တွေ​တွေ့​လာ​တဲ့​အခါ
ပြန်​ဖတ်​ဖြစ်​တတ်​တဲ့ ကဗျာ​လေး​ပါ​ပဲ သူငယ်​ချင်းတော်တော်​များ⁠များ​ကို
ပို့​ပေး​ခဲ့​ဖူး​ပါ​တယ်...
သူ​တို့ မေ့​လောက်​နေ​ပြီ​ဖြစ်​မှာ​ပါ..ကဗျာ​လေး​နာမည်​က တန်ဖိုး​ထား ပါ​တဲ့...........

တန်ဖိုး​ထား​ပါ
သင့်​ကို ချစ်ခင်​သူ တစ်​စုံ​တစ်​ယောက်​သင့်​မှာ​ရှိ​ပါ​သလား
သူငယ်ချင်း​တစ်​ယောက် ဒါ​မှ​မဟုတ် ဇနီးခင်ပွန်း တစ်​ယောက်
ဘဝ​ရဲ့​အခက်​အခဲ​အလုံး​စုံ​ကို ဖြတ်​သန်း​ပါ​ရ​စေ
သင့်​အပေါ်​မှာ သစ္စာရှိ​လေ​သူ တစ်​စုံ​တစ်​ယောက် သင့်​မှာ​ရှိ​ပါ​သလား
ခွင့်​လွှတ်​အနစ်​နာခံ​တာ​တွေ ကြင်နာ​မှု​တွေ မ​ညည်း​မ​ညူ လုပ်ကိုင်​ပေး​တာ​တွေ
သူ​တို့​က​သင့်​အတွက် ဆောင်ရွက်​ပေး​ခဲ့​တဲ့ သည်​အရာ​လေး​တွေ​ကို
သည်​အတိုင်း​ဖြစ်​ရိုး​ဖြစ်​စဉ်​တစ်​ရပ်​လို့​သင်​သဘောထား​ပါ​သလား
သင့်​ထံ​ရောက်​ရှိ​လာ​တဲ့​ချစ်​ခြင်း​မေတ္တာ​တွေ​ကို​လည်း သည်​အတိုင်း​ဖြစ်​ရိုး​ဖြစ်​စဉ်​တစ်​ရပ်​လို့
သင်​သဘောထား​ပါ​သလား သင်​မှတ်ယူ​ထား​ပါ​သလား
ဒီ​လို​ဆို​ရင်​ချီးမွမ်း​စကား​ဆို​ရ​တာ ကျေးဇူး​စကားပြော​ရ​တာ​ဟာ လွယ်ကူ​တဲ့​ကိစ္စ​တစ်​ရပ်​ဆို​တာ​ကို
သင်​အမှတ်ရ​လိုက်​ပါ
တစ်​စုံ​တစ်​ယောက်​က တမ်း​တကောင်း​တမ်း​တ​နေ​နိုင်​တဲ့
အပြုံး​တစ်​ပွင့်​ဝေ​ရ​တာ အနမ်း​တစ်​ပွင့်​ပို​ချွေ​ရ​တာ​က​လည်း ဘာ​မှ​မ​ခက်ခဲ​ဘူး​ဆို​တာ သတိရ​လိုက်​ပါ
သင့်​မှာ​ဂုဏ်ခံ​နေ​လို့​ဖြစ်​စေ၊ ရှက်​ရွံ့​နေ​လို့​ဖြစ်​စေ
သ​ဘာ​ဝ​ကျ​တဲ့​ခံစား​ချက်​ကို ထုတ်ပြ​ရ​မှာ​များ သင်​စိုး​ရွံ့​နေ​ပါ​သလား
မေတ္တာ​စကား​တွေ​ကို ဒီ​နေ့​က​စ​ဆို​ပါ
သေလွန်​ပြီး​မှ နှုတ်​ဆိတ်​နေ​တဲ့​ဓာတ်​ပုံ​တွေ​ကို​ကြည့်​ကာ စကားပြော​နေ​လို့
ဘာ​မှ​အကျိုး ရှိ​မ​လာ​နိုင်​ပါ
ချစ်​ခြင်း မေတ္တာ​ဆို​တာ အသက်​ရှင်​စဉ်​မှာ ဖော်​ပြ​သင့်​တဲ့​အရာ၊ အုတ်​ဂူ​ကမ္မည်း​စာ​ထဲ​မှာ​သာ
ရေး​ထိုး​သင့်​တဲ့​အရာ​မဟုတ်​ပါ
--

-- with
╔╗
║║╔═╦╦╦═╗
║╚╣║║║║╩╣
╚═╩═╩═╩═╝

....(¯`v´¯)
..... ·.¸.·´
...¸.·´
.. (
☻/
/▌
/ \