ဖေဖေ့ရဲ့ ၆၂ နှစ်ပြည့် မွေးနေ့

ဒီနေ့က တော့
ဖေဖေ့ရဲ့ ၆၂ နှစ်ပြည့် မွေးနေ့မွေးရက်မွေးလ တထပ်တည်းကျတဲ့နေ့ ပါ။
ဖေဖေ အတွက်မေမေ ကအုန်းနို့ခေါက်ဆွဲ ဆွမ်းလောင်းပါတယ်။
ဖေဖေ ကျမ်းမာပါစေ။ အသက်ရာကျော်ရှည်ပါစေ.။။

မေမေ့မွေးနေ့ ၁၄.၆.၂၀၀၉ တနင်္ဂနွေနေ့

အမေ

အမေ အငယ်ဆုံးဖြစ်ပြီး အမေနဲ့ဆိုဘယ်တော့ နားလည်အောင်ရှင်းမပြပဲ အမြဲ နားလည်ပေးမှာပဲလို့ တထစ်ချတွေးတတ်တယ် တွေးတတ်လုပ်တတ်တယ် အနိုင်ယူတတ်တတ်တယ် သမီးအတွက်တော့ ဒီနေ့ဒီအချိန်ထိ အမေ ၊ အဖေဘေးမှာရှိနေတာ နေခွင့်ရနေတာ သမီးဘဝအတွက် အကောင်းဆုံးဆုတစ်ခုပါပဲ မေမေ့ ကိုသမီးချစ်ပါတယ် အမေ့ရဲ့ ၆၄နှစ်ပြည့်တဲ့ဒီနေ့မှာ မေမေ လုပ်ချင်တာတွေ ဖြစ်ချင်တာတွေ ဖြစ်အောင်မလုပ်ပေးနိုင်တာရှိခဲ့ရင် သမီးကိုခွင့်လွှတ်ပါ ...
မေမေ ပျော်ရွှင်ပါစေ မေမေ့ကိုစိတ်ချမ်းသာအောင်ထားနိုင်တဲ့ ကျေးဇူးဆပ်ခွင့်ရတဲ့သမီးဖြစ်ပါရစေ.. မေမေ ..

ရှမ်းရိုးမ

မြန်မာ့သစ်ခွ

မူဆယ်ဈေးနေ့

့





မြင်နေကြမဟုတ်တဲ့ မြင်ကွင်းတွေပဲရွေးရိုက်ခဲ့တယ် မူဆယ်မြို့ရဲ့ ဈေးနေ့မနက်ခင်းလေးပါ။

ကျောက်မဲမြို့အဝင်က နဂါးမောက်သီးခြံ

အပွင့်ပွင့်တဲ့အချိန်ပါ တစ်လုံးကို ၂၀၀ဝလောက်ဈေးရပါတယ်

၁၀၅ မိုင် သစ်သီးပွဲရုံ

ကျောက်ဆည် ၊ဟန်မြင့်မိုလ် ဘက်မှ တင်ပို့တဲ့သရက်သီးဖာတွေကို ဒီရာသီမှာအတင်များပါတယ်
ဧပရယ် မေ ဇွန်ဇူလိုင် ထိသရက်သီး ရာသီလို့ ဆိုနိုင်ပါတယ် သစ်သီးပွဲရုံတွေက သရက်သီးထွက်ရာဒေသတွေမှာ ငွေကြိုပေးစနစ်၊ အပင်လိုက်ဝယ်ယူစနစ် တွေနဲ့ ကြို ပြီး အရင်းအနှီး ပေးထားရတယ်လို့လဲသိရပါတယ်။ တရုတ်ဘက်မှကုန်သည်တွေက သစ်သီးပွဲရုံမှာပဲ တိုက်ရိုက်အဝယ်ဆင်းဈေးဖြတ်ပေးလို့ သရက်လာပို့တဲ့ ခြံရှင်တွေငွေပေါတဲ့ အချိန်ဖြစ်ပါတယ်။ သရက်သီးတစ်ဖာမှာ အလုံးအကြီးအသေးပေါ်မူတည်ပြီး ဈေးရတာ မတူတတ်ပါဘူး။ တရုတ်ငွေ မြန်မာငွေနှစ်မျိုးစလုံး သုံးနိုင်ပါတယ၊် တစ်ယွမ်ကို အဲဒီအချိန်က ၁၆၅ဝ ကျပ်ပေါက်ပါတယ်။
ဒီကုန်သည်တွေကငွေကို ပစ္စည်းပြန်ဝယ်ဆင်းတတ်ကြလို့လဲ မူဆယ်မြို့လေးဟာ ရောင်းမှု ဝယ်မှုတွေနဲ့ အမြဲအသက်ဝင်နေတတ်ပါတယ်။

ကွတ်ခိုင်မြို့အဝင်ကအိမ်လေး

ရာသီဥတုဒဏ်ခံနိုင်အောင် နွားချေး ကောက်ရိုး မြေဆေးသုံးခုပေါင်းကိုရောနယ်ပြီး ထရံမှာကျံပေးထားတာပါ ဆောင်းတွင်းဆို နွေးနေပြီးနွေမှာ အေးနေတယ်လို့ဆိုပါတယ် ကွတ်ခိုင်မြို့အဝင်ကအိမ်လေးပါ
သဘာဝကပေးတဲ့ အသိနဲ့ဆောက်ထားတဲ့ အိမ်လေးပါ

မူဆယ်လမ်း

သိန္ဒီမြို့ တောင်တက်လမ်း

မုန့်ကြိတ်ဆုံ

ရွာရောက်တယ်ဆိုရင် ဝယ်စားစရာနေရာကလဲမရှိ ထိုင်စရာလ္ဘက်ရည်ဆိုင်ကလဲမရှိတော့ ရွာမှာရှိတဲ့ အဒေါ်တွေကိုပဲပူစာပြီး မုန့်လက်ကောက်၊ ဒါမှမဟုတ်မုန့်ဆီကျော် တခုခုလုပ်စားဖို့အဖေါ်စပ်ရတာပေါ့ အဲဒီမှာ မုန့်ကြိတ်ဆုံနဲ့စတွေ့တော့တာပဲလေ။
လူနှစ်ယောက်၊ သုံးယောက်နဲ့ အသုံးပြု ရတာပါ။ ဆန် သို့မဟုတ်ကောက်ညှင်းကိုညကတည်းကရေစိမ်ထားပြီးမနက်ဆို မုန့်ကြိတ်ဆုံမှာ နှစ်ယောက်လက်ကိုင်ကနေ အရှိန်နဲ့တွန်းလှည့်ပေးပြီး ကျန်တယောက်က ရေနဲ့ (ဆန်/ကောက်ညှင်း) အချိုးကျရောစပ်ပြီး အလည်အူတိုင်ထဲကို ထည့်ပေး ကြိတ်ယူရတာပါ ရလာတဲ့ မုန့်ရေကိုမှ အဝတ်အိတ်နဲ့ထည့်ပြီး အပေါ်ကကျောက်တုန်းဖိပေးထားပြီးရေစစ်ထုတ်ရပါတယ် ရေစစ်ပြီဆိုရင် မုန့်လုပ်ရန်အသင့်ရပြီပေါ့ ဒီအဆင့်တွေအတွက်မုန့်ကြိတ်ဆုံနဲ့ဆို လူကသုံးယောက် အချိန်ကနေ့ဝက်လောက်ကြာပါတယ် မီးရတဲ့နေရာတွေမှာတော့ ၃မိနစ်နဲ့လူကတစ်ယောက်လောက်ဆိုရပြီလေ တောဓလေ့ကတော့ ခုချိန်ထိလက်နဲ့ခွန်အားကို အားကိုးပြီး လှုပ်ရှားနေရတုန်းပါ တရွာလုံးမှာ မုန့်ကြိတ်ဆုံက သုံးခုလောက်ပဲရှိပါတယ် မုန့်ကြိတ်ခက တစ်ပြည်ကို ၅ကျပ်နဲ့ ဆုံပိုင်ရှင်ကယူပါတယ် ရွာရောက်လို့ မြန်မာမုန့်တွေကျွေးရင်မငြင်းပဲအားပါးတရစားမိတာငယ်ငယ်ထဲကနေခုချိန်ထိပါပဲ။ တကယ်ပင်ပင်ပန်းပန်းနဲ့ လုပ်ရတဲ့မုန့်တွေမို့ပါ။