သား တနှစ်နဲ့ နှစ်လပြည့်တဲ့နေ့
တိုင်းရင်းသားကျေးရွာကို အစီအစဉ်မရှိပဲသွားဖြစ်ခဲ့တယ်
မွေးနေ့ အမှတ်တရပုံလေးတွေပါ…..
တိုင်းရင်းသားကျေးရွာကအပြန် သန်လျင်တံတားကိုဖြတ်
ပုံမှာပါတဲ့ဂျစ်ကား ဝါနီကြားလေးကလဲ မဆန့်မပြဲ ၁၁ ယောက်ကိုမငြီးမငြူတင်ရင်း
ဘဲဥမမြင်မဲ့လမ်းကနေ သန်လျင် နာမည်ကြီးထန်းရည်ဆိုင်ကို သွားကြတယ်…
သန်လျင်မြို့ထဲဝင်တော့ ထန်းရေဆိုင်ဘယ်နားလဲမေးရတယ်
လမ်းညွှန်တဲ့သူက ကားကိုကြည့်သနားနေတဲ့ပုံနဲ့
လူတွေကလဲဝိုင်းကြည့်လို့
ကြည့်မှာပေါ့ ကားပေါ်ပါတာက လူအားလုံး(၁၁)ယောက်
မိန်းကလေးက (၆)ယောက် လေ။ ဒီကြားထဲမွေးနေ့ရှင်ကိုဇွဲဇွဲက တနှစ်နှစ်လအငယ်ဆုံးယောကျာ်းလေး။ ကျန်တဲ့ေယောကျာ်းလေးတွေက ၃ ယောက်က
Over weightတွေ။
ဒီလိုနဲ့ သန်လျင်မြို့နာရီစဉ်နားရောက်တော့ဘယ်ဘက်ကိုကွေ့ ဝင်ရတယ်
အုတ်ဖိုစုဘူတာသို့ လို့ရေးထားတဲ့ လမ်းအဆုံးလောက်မှာညာဘက်ကိုကွေ့တော့
တွေ့ပါပြီ ကားမျိုးစုံရပ်ထားတဲ့ ခြံဝင်းကလေးနဲ့Sky Beer အရောင်းဆိုင်လေး။
သစ်ရိပ်ဝါးရိပ် နဲ့ ပုံမှာမြင်ရတဲ့ ဝါး ကွပ်ပျစ်လေးတွေကိုအရိပ်အောက်မှာ ထိုးထားတယ်
အဲ ခြံတဘက်ခြမ်းမှာတော့ မြေဝိုင်း ထန်းရည်ဝိုင်း လေးတွေကိုခင်းကျင်းထားတယ်
မြေပြောင်ပြောင်မှာ မြက်ဖျာတွေခင်းလို့ပေါ့ ထန်းလက်အကာအရံတွေနဲ့လေ။
ခြံထောင့်မှာ တော့ထန်းပင်တစ်ပင် တွေ့တယ် ညာဘက်မှာတော့ အပေါ့အပါးသွားဖို့အိပ်သာကလဲ မထနိုင်ရင်လေးဘက်ကုန်းသွားလို့ရအောင်လုပ်ပေးထားတယ် အဆင်ပြေလိုက်ပုံများ
Sky Beer က ရေသန့်ဗူးနဲ့ အမယ် အေးစိမ့်ရှတတလေး အနံ့ ကတော့ ထန်းရည်ရယ် ချက်အရက်ရယ် ဆန်ဆေးရေရယ် ၃ခုရောထားတဲ့အနံ့နဲ့
တပုလင်းကို (၅၅၀) ကျပ်ပေးရတယ်။ နေရာခနဲ့တင်တန်ပါတယ်
ဆိုင်ကိုရောက်တယ်ဆိုရင်ပဲ ဆိုင်ရှင်အန်တီကြီး ကရှင်းပြပြောပြပါတယ်
ခွက်လိုက်သောက်ကောင်းတိုင်းဆင့်မသောက်ဖို့ အများကြီးမသောက်ဖို့
တဖြည်းဖြည်းမူးတတ်ကြောင်းတွေပေါ့
ပြန်သွားကြတဲ့ကားတွေပေါ်မှာအလဲလဲအကွဲကွဲဆိုတော့ သူပြောပြရှင်းပြတာလက်ခံရမှာပဲပေါ့
သားတော်မောင် ကိုဇွဲဇွဲ ကလွတ်လပ်ရေးရနေလေရဲ့
မြေပြင်ကျယ်မှာ ပျော်လို့မြူးလို့ ပေလို့တူးလို့။
ညနေ၅နာရီလောက်မှပြန်ခဲ့ကြတယ်
No comments:
Post a Comment